पुणे : ‘ नेचर वॉक चॅरिटेबल ट्रस्ट, फर्ग्युसन महाविद्यालय आणि वन विभाग यांच्या संयुक्त विद्यमाने येत्या २२ ते २५ ऑगस्टदरम्यान पुण्यात वाइल्ड इंडिया चित्रपट महोत्सवाचे आयोजन करण्यात आले आहे,’ अशी माहिती संयोजक अनुज खरे यांनी नुकतीच पत्रकार परिषदेत दिली.
‘या महोत्सवाचे उद्घाटन वन्यजीव चित्रपटकार शेखर दत्तात्री यांच्या हस्ते होणार आहे. फर्ग्युसन महाविद्यालयाच्या अॅम्फीथिएटरमध्ये हे चित्रपट दाखविण्यात येणार आहेत. २३ ऑगस्टला वन्यजीव चित्रपटकार नल्ला मुत्थू यांच्याशी अभिनेता सुयश टिळक संवाद साधणार आहे. या महोत्सवात सुमारे २५ लघुपट दाखविण्यात येणार असून, दुर्मीळ खनिजे, जीवाश्म, नाणी यांचे प्रदर्शनही भरविण्यात येणार अशी आहे. आणखीही काही उपक्रम राबविले जाणार आहेत. या महोत्सवात सहभागी होण्यासाठी कोणतेही शुल्क नाही,’ असेही अनुज खरे यांनी सांगितले.
(अधिक माहितीसाठी सोबतचा व्हिडिओ पाहावा.)
